Hokkeı: «Barys» búgin Reseıde «Traktor» komandasymen kezdesedi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin Reseıde «Traktor» (Chelıabınsk) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 30 qarasha elorda ýaqytymen 20:00-de bastalyp, «Qazsport» telearnasy saıtynan tikeleı efırde kórsetiledi.

Eki komanda buǵan deıin 48 márte kezdesti. Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde otyz alty oıynnan keıin 31 upaıǵa qol jetkizgen «Barys» 18-orynda keledi.

Al otyz alty oıynnan keıin 33 upaı jınaǵan «Traktor» 17-orynǵa jaıǵasqan.

Keıingi on kezdesýdiń altaýynda qazaqstandyq klýb jeńiske jetti.

Eske salsaq, «Barys» «Avtomobılıst» komandasynan jeńilip qaldy.