Hokkeı: «Barys» búgin Reseıde TsSKA komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde TsSKA (Máskeý) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 5 aqpanda elorda ýaqytymen 20:30-da bastalady.

Eki komanda buǵan deıin 28 márte kezdesti. Onyń 9-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde alpys bir oıynnan keıin 57 upaıǵa qol jetkizgen «Barys» 20-orynda keledi.

Al elý segiz oıynnan keıin 80 upaı jınaǵan TsSKA 3-orynǵa jaıǵasqan.

Eske salsaq, budan buryn «Barys» Reseıde máskeýlik «Dınamodan» jeńildi.