Hokkeı: «Barys» búgin Reseıde «Ak Bars» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) klýbyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 8 qazan kúni elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 44 márte kezdesti. Onyń 9-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde on bes oıynnan keıin 15 upaıǵa qol jetkizgen «Barys» 14-orynda keledi.

Al, on tórt oıynnan keıin 19 upaı jınaǵan «Torpedo» 9-orynǵa jaıǵasqan.

Keıingi on kezdesýdiń úsheýinde qazaqstandyq klýb jeńiske jetti.

Eske salsaq, buǵan deıin «Barys» reseılik «Torpedoǵa» ese jibergen bolatyn.

Foto: sports.kz