Hokkeı: «Barys» búgin «Lokomotıv» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn búgin Reseıde «Lokomotıv» (ıAroslavl) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 25 márte kezdesti. Onyń 8-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde on oıynnan 9 upaıǵa qol jetkizgen «Barys» 16-orynda keledi. Al on oıynnan keıin 13 upaı jınaǵan «Avtomobılıst» 8-orynǵa jaıǵasqan.

Sońǵy on kezdesýdiń úsheýinde qazaqstandyq klýb jeńiske jetti.

2021 jyldyń 3 tamyzynda Qurlyqtyq hokkeı lıgasynda «Barys» syrt aıdynda 3:4 esebimen jeńilse, sol jyldyń 22 qazanynda elordada 1:4 esebimen ese jiberdi.

Eske salsaq, budan buryn elordalyq klýb Reseıde «Severstal» (Cherepovets) klýbyna jol berdi.

Foto: hcbarys.kz