Hokkeı: «Barys» búgin «Kýnlýn Red Star» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn elordada Qytaıdyń «Kýnlýn Red Star» (Beıjiń) klýbyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 8 qazan kúni elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 21 márte kezdesti. Onyń 17-i «Barystyń» basymdyǵymen aıaqtalsa, qalǵanynda qytaılyq klýbtyń mereıi ústem boldy.

Qazir týrnır kestesinde on alty oıynnan keıin 17 upaıǵa qol jetkizgen «Barys» 13-orynda keledi.

Al, on jeti oıynnan keıin 15 upaı jınaǵan «Kýnlýn Red Star» 16-orynǵa jaıǵasqan.

Keıingi on kezdesýdiń toǵyzynda qazaqstandyq klýb jeńiske jetti.

Eske salsaq, budan buryn «Barys» «Ak Barstan» basym tústi.