Hokkeı: «Barys» búgin elordada reseılik «Dınamo» komandasymen kezdesedi
ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Dınamo» (Máskeý) komandasyna qarsy ótkizedi, dep habarlaıdy QazAqparat tilshisi.
Atalǵan oıyn búgin, 29 qańtarda elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 31 márte kezdesti. Onyń 12-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde elý cegiz oıynnan keıin 56 upaıǵa qol jetkizgen «Barys» 17-orynda keledi.
Al elý alty oıynnan keıin 73 upaı jınaǵan «Dınamo» 5-orynǵa jaıǵasqan.
Eske salsaq, budan buryn «Barys» elordada «Traktor» komandasyn jeńip ketti.
