Hokkeı: «Barys» búgin elordada «Ak Bars» komandasymen kezdesedi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada «Ak Bars» (Qazan) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 6 jeltoqsanda elorda ýaqytymen 19:30-da bastalyp, «Barys» komandasy saıtynan tikeleı efırde kórsetiledi.

Eki komanda buǵan deıin 46 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde otyz toǵyz oıynnan keıin 35 upaıǵa qol jetkizgen «Barys» 18-orynda keledi.

Al otyz jeti oıynnan keıin 40 upaı jınaǵan «Ak Bars» 14-orynǵa jaıǵasqan.

Keıingi on kezdesýdiń tórteýinde qazaqstandyq klýb jeńiske jetti.

Eske salsaq, budan buryn «Barys» elordada «Salavat ıÝlaevtan» basym tústi.