Hokkeı: «Barys» búgin «Admıral» komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Admıral» (Vladıvostok) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 8 qańtarda elorda ýaqytymen 13:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 29 márte kezdesti. Onyń 16-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde qyryq cegiz oıynnan keıin 46 upaıǵa qol jetkizgen «Barys» 17-orynda keledi.

Al, qyryq jeti oıynnan keıin 55 upaı jınaǵan «Admıral» 11-orynǵa jaıǵasqan.

Keıingi on kezdesýdiń beseýinde qazaqstandyq klýb jeńiske jetti.

Aıta ketsek, elordalyq klýb atalǵan qarsylasymen 9 qańtarda taǵy bir márte kezdesedi.

Eske salsaq, budan buryn elordalyq klýb «Amýr» komandasynan qatarynan eki márte jeńildi.