Hokkeı: «Barys» Blınov týrnırinde ekinshi márte jeńiske jetti
ASTANA. QazAqparat – Qazaqstandyq «Barys» Reseıdiń Omby qalasynda ótip jatqan shaıbaly hokkeıden Blınov týrnırinde ekinshi jeńisine qol jetkizdi dep habarlaıdy QazAqparat tilshisi.
Bul joly elordalyq klýb Ombynyń «Avangrad» komandasymen sheberlik baıqasty.
Kezdesý barysynda reseılik klýbtan Rıd Býshe neberi 17-sekýndta esep ashqan edi. Odan keıin «Barys» sapynan Kırıll Savıtskıı 6, Samat Danııar 19-mınýtta eki gol soǵyp ketti.
Ekinshi kezeńniń 24-mınýtynda «Avangrad» hokkeıshisi Lıbor Shýlak esep aıyrmasyn qysqartty.
Al úshinshi kezeńde qazaqstandyq komandadan Raılı Barber 45, 58-mınýtta qos goldyń avtory atansa, 59-mınýtta reseılik hokkeıshi Ivan Nıkolıshın qorytyndy esepti belgiledi.
Osylaısha «Barys» qarsylasynan 4:3 esebimen basym túsip, týrnırdegi ekinshi jeńisine qol jetkizdi.
Eske salsaq, budan buryn «Barys» Reseıdiń «Lokomotıv» (ıAroslavl) komandasynan basym tústi.
Endi elordalyq klýb 25 tamyzda saǵat 11:00-de Nıjenkamskiniń «Neftehımıgimen» sheberlik baıqasady.
