Hokkeı: «Barys» bıylǵy maýsymdy aıaqtady
ASTANA. QazAqparat - Astananyń «Barysy» búgin Ombyda «Avangard» komandasynan sheshýshi, jetinshi básekede jeńilis taýyp, Qurlyqtyq hokkeı lıgasynyń kelesi kezeńine óte almady.
Bul kezdesýdiń besinshi mınýtynda Naıdjel Doýs esep ashqanymen, sol basymdyqty astanalyqtar ustap tura almady. Arada bes mınýt ótkende «Avangardtan» Chad Kolarık esepti teńestirse, 36-mınýtta aıdyn ıelerin Aleksandr Perejogın alǵa shyǵardy. Match sońyna taman esepti teńestirmek bolǵan astanalyqtar qaqpashyny aıdyndaǵy oıynshymen almastyrdy. Osyny sátti paıdalanǵan Ch.Kolarık bos turǵan qaqpany dál kózdep, esepti 3:1-ge jetkizdi. Jeti matchtan turatyn bul serııada ombylyqtar 4:3 esebimen jeńiske jetti.
Sóıtip «Barys» bıylǵy maýsymdy aıaqtasa, «Avangard» Shyǵys konferentsııasynyń jartylaı fınalynda Qazannyń «Aq Barysymen» synǵa túsedi.
