Hokkeı: «Barys» «Avtomobılısti» jeńdi
NUR-SULTAN. QazAqparat - Búgin astanalyq «Barys» Qurlyqtyq hokkeı lıgasy aıasynda Reseıde «Avtomobılıst» (Ekaterınbýrg) komandasymen kezdesti, dep habarlaıdy QazAqparat tilshisi.
Eki komanda da pleı-off kezeńine shyǵýǵa kúsh salyp keledi. Aıta keteıik, «Barys» sońǵy 14 kezdesýdiń 11-inde jeńiske jetti. Al «Avtomobılıst» sońǵy 7 oıynda nebári 2 ret jeńildi. Sol sebepti búgingi oıyn tartysty ótetini anyq edi.
Kezdesýdi elordalyq hokkeıshiler senimdi bastady. Nátıjesinde birinshi kezeńde «Barys» eki shaıba soǵyp úlgerdi. Alǵashqysynda Roman Starchenko 3-mınýtta mergendik tanytsa, 10-mınýtta ıAkob Lılıa kózdegen nysanadan múlt ketken joq.
Ekinshi kezeńniń 23-mınýtynda elordalyq Kırıll Panıýkov esepti ústemeleı tústi. Al 37-mınýtta «Avtomobılıst» hokkeıshisi Anatolıı Golyshev esep aıyrmasyn qysqartty.
Úshinshi kezeńde reseılik hokkeıshiler «Barys» qaqpasy mańynda jıi boı kórsetti. Oǵan qazaqstandyq oıynshylar laıyqty toıtarys kórsete bildi.
Sońǵy bes mınýtta aıdyn ıeleri oıynshy sanynyń basymdyǵyna ıe boldy. Sol sátte Kertıs Volk tártip buzǵan edi.
Al 57-mınýtta «Avtomobılıst» sapynan Pıter Holland gol soǵyp ketti.
Kezdesý nátıjesinde «Barys» qarsylasyn 3:2 esebimen jeńdi.
Bul jeńisten keıin elordalyq klýb týrnır kestesinde 13-orynǵa kóterildi.
Aıta keteıik, «Barys» budan keıin úsh oıyndy óz alańynda ótkizedi. Aldymen 12 qańtarda elordada Reseıdiń «Ak Bars» komandasyn qabyldasa, odan keıin 14 qańtarda «Salavat ıÝlaev», 17 qańtarda «Amýr» klýbtarymen kezdesedi.
«Barys» budan buryn ekinshi oıynda «Amýrdan» jeńilgen bolatyn.
