Hokkeı: «Barys» «Avtomobılıst» komandasynan basym tústi
NUR-SULTAN. QazAqparat – «Barys» Qurlyqtyq hokkeı lıgasyndaǵy kezekti kezdesýin Ekaterınbýrgte jergilikti «Avtomobılıst» komandasymen ótkizdi, dep habarlaıdy QazAqparat tilshisi.
Oıynnyń birinshi bóliginde aıdyn ıeleri basymdaý bolǵanymen, esep ashylǵan joq. «Barystyń» qaqpashysy Ionı Ortıo sátti oınaı bildi.
Ekinshi kezeń barysynda elordalyqtar shvetsııalyq ıÝhan Mattsson qorǵaǵan qaqpany kóbirek nysanaǵa alǵanymen, sheshýshi sátte múlt ketip jatty. Tipti san basymdylyǵyn da paıdalana almady. Degenmen 35-mınýtta «Barystyń» kapıtany Roman Starchenko mergendik tanytty – 1:0.
Úshinshi taım sońynda «Avtomobılıst» komandasy qaqpashysyn oıynshyǵa aýystyrǵan sátte Lınden Veı esepti 2:0-ge jetkizdi.
Osylaısha 40 upaı jınaǵan elordalyq klýb Shyǵys konferentsııasynda «Avtomobılısti» artqa qaldyryp, jetinshi orynǵa kóterildi.
ıÝrıı Mıhaılıstiń shákirtteri kelesi matchyn 23 jeltoqsan kúni Tatarstan astanasy Qazanda jergilikti «Ak Bars» komandasymen ótkizedi.
Eske sala keteıik, budan buryn Darren Dıtstiń TsSKA komandasyna aýysqanyn, «Barystyń» kezekti oıynyn Ekaterınbýrgte «Avtomobılıspen» ótkizetinin jazǵan bolatynbyz.
