HOKKEI: «Barys» «Avtomobılıst» komandasyn utyp, mańyzdy úsh upaıǵa ıe boldy (FOTO)
ASTANA. QazAqparat - Qurlyqtyq hokkeı lıgasynyń turaqty chempıonatynda Astananyń «Barysy» óz aıdynynda Ekaterınbýrgtiń «Avtomobılıst» komandasyn qabyldap, 4:3 esebimen jeńiske jetti.
Osyǵan deıin Shyǵys konferentsııasynda «Barys» jetinshi orynda kele jatsa, «Avtomobılıst» toǵyzynshy satyda edi. ıAǵnı pleı-off básekesine joldama alý úshin kúresip júrgen komandalar úshin bul oıynnyń mańyzy alabóten edi.
Vesti.kz saıtynan alynǵan málimetke qaraǵanda, Andreı Nazarovtyń shákirtteri oıyndy óte qarqyndy bastady. Biraq olar eki oıynshynyń artyqtyǵyn paıdalana almady. Esesine bir oıynshysy artyq bolǵan kezde «Avtomobılıst» muny qur jibermeı, Vıtalıı Popov esep ashty. 14-mınýtta Anatolıı Golyshev esepti 2:0-ge jetkizdi. Úzilis kezinde bapkerleri biraz qamshylasa kerek, ekinshi kezeńde «Barys» hokkeıshileri bir mınýttyń ishinde (Kevın Dallmen men Roman Starchenko) tarazy basyn teńestirdi. Alaıda úshinshi goldy soǵa almady. Ókinishtisi, ekinshi kezeń sońynda Talǵat Jaılaýov qatty jaraqat alyp qaldy. Áıtse de tóreshiler osy sátte qonaqtar tarapynan oıyn erejesi buzyldy dep eseptegen joq.
Úshinshi, sheshýshi kezeńde qonaqtar (Petr Koýkal) 42-mınýtta taǵy alǵa shyqty. Degenmen osydan keıin aıdyn ıeleri shabýyl qarqynyn odan saıyn kúsheıtti. 50-mınýtta Dastın Boıd esepti teńestirse, kóp uzamaı komanda kapıtany Brendon Bochenskı jeńis golyn soqty. Sóıtip «Barys» óziniń tikeleı qarsylasynan úsh upaıdy julyp aldy.
Astanalyqtar 48 oıynnan keıin 69 upaı jınap, Shyǵys konferentsııasynda burynǵysha jetinshi orynda keledi. «Barystan» úsh oıyny kem «Neftehımık» (Nıjnekamsk) pen «Avtomobılıstiń» sáıkesinshe 66 jáne 64 upaılary bar. Demek, bul - pleı-off básekelerine qatysýǵa múmkindik beretin alǵashqy segizdikke iligý úshin aıqas áli jalǵasady degen sóz. Endi «Barysqa» óz aıdyny ǵana emes, syrtta da upaı joǵaltpaý kerek. Osy oraıda shabýyl shebi ǵana emes, qorǵanysty da nyqtaýǵa týra keledi. Óıtkeni qorǵanys myqty bolmaıynsha, jeńiske jetý qıyn.
«Barys» kelesi kezdesýin 11 qańtar kúni Tolıattı qalasynda jergilikti «Lada» komandasymen ótkizedi. Bul klýb Shyǵys konferentsııasynda 45 oıynnan keıin 56 upaımen on birinshi orynda keledi.
