Hokkeı: «Barys» «Avangardty» utyp turyp, jeńilip qaldy
ASTANA. QazAqparat - Qurlyqtyq hokkeı lıgasynyń (QHL) sońǵy oıynyn «Barys» óz aıdynynda Ombynyń «Avangard» komandasymen ótkizdi, dep habarlaıdy «QazAqparat» tilshisi.
Astanalyqtar pleı-off kezeńine shyǵýdan úmitin áldeqashan úzgen bolsa, ombylyqtar úshin jeńis aýadaı qajet edi.
Birinshi kezeńde 4-mınýtta qonaqtardan Kırıll Semenov mergendigimen kózge túsip, esep ashty. Budan keıin aıdyn ıelerinen Alekseı Maklıýkov, Ivan Kýchın jáne ıAroslav Evdokımov qatarynan úsh gol soǵyp, «Barys» 3:1 esebimen alǵa shyqty. Áıtse de elordalyqtar ekinshi kezeńde osy basymdylyqty saqtaı almady. Danıl Faızýllın men Kırıll Semenov tarazy basyn teńestirdi.
Úshinshi, sheshýshi kezeńde qalaıda úsh upaı alýǵa tyrysqan «Avangard» qaqpashysyn altynshy oıynshyǵa aýystyrdy. Bul taktıka óz jemisin berip, match bitýge bir mınýt qalǵanda, Semen Koshelev jeńis golyn soǵyp ketti.
Osylaısha, «Barysty» 4:3 esebimen tize búktirip, upaı sanyn 88-ge jetkizgen «Avangard» komandasy Shyǵys konferentsııasynda jetinshi orynǵa kóterilip, pleı-off kezeńine joldama aldy. Astanalyqtar 74 upaımen onynshy orynda qaldy.
