Hokkeı: «Barys» «Avangardtan» jeńilip qaldy
ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada «Avangard» (Omby) komandasyna qarsy ótkizdi, dep habarlaıdy QazAqparat tilshisi.
Elordalyq klýb keıingi oıyndardy jaqsy ótkizip keledi. Sońǵy alty kezdesýdiń tórteýinde jeńiske jetti. Osylaısha týrnır kestesinde pleı-off satysyna qatysýǵa múmkindik alatyn on alty komandanyń qataryna qosylyp otyr.
Eki komanda bıylǵy týrnırde úsh márte kezdesip úlgerdi. Onyń ekeýinde reseılik klýbtyń mereıi ústem boldy. Sondaı-aq, sońǵy eki oıynda «Avangard» jeńiske jetip keledi. Sondyqtan «Barys» olardan ese qaıtarýǵa tyrysty.
Kezdesý barysynda komandalar bir-biriniń qaqpasynan sańylaý tabýǵa tyrysty. Bir-biriniń qaqpasy mańynda jıi boı kórsetti.
Oıynnyń 15-mınýtynda elordalyq klýbtan Arkadıı Shestakov esep ashty. Oǵan reseılik klýbtan Damır Sharıpzıanov 19, Aleks Brodherst 27-mınýtta eki shaıbamen jaýap qaıyrdy. Al 59-mınýtta Sergeı Tolchınskıı bos qaqpaǵa gol soǵyp, reseıoik klýbqa jeńis syılady.
Osylaısha elordalyq klýb qarsylasyna 1:3 esebimen ese jiberdi.
Endi «Barys» aldaǵy oıynyn 24 jeltoqsanda elordada Reseıdiń «Avtomobılıst» (Ekaterınbýrg) komandasyna qarsy ótkizedi.
Foto: sports.kz
