Hokkeı: «Barys» «Avangardtan» basym tústi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasymen ótkizdi, dep habarlaıdy QazAqparat tilshisi.
Eki komanda bıylǵy týrnırdi sátsiz ótkizip júr. Qazir týrnır kestesinde qatarlas keledi. «Barys» 13 oıynnan keıin 10 upaımen týrnır kestesinde 20-orynda tur. Al «Avangard» 12 upaımen 17-orynǵa jaıǵasqan.
Kezdesý tartysty ótti deýge negiz bar. Dese de komandalar alǵashqy eki kezeńde bir-biriniń qaqpasynan sańylaý taba alǵan joq.
Úshinshi kezeńde de oıyn barysy solaı órbip jatty. Oıynnyńi bitýine bes mınýt qalǵansha tablodaǵy esep ózgerissiz turdy. Qazaqstandyq hokkeıshi Nıkıta Mıhaılıs 54-mınýtta kózdegen nysanadan múlt ketken joq.
Kezdesýde «Barys» qarsylasynan 1:0 esebimen basym tústi.
Eske salsaq, budan buryn «Barys» Reseıde «Lokomotıvke» jol berdi.
Aıta keterligi, bıylǵy kezeńdegi 13 oıynnyń nebári 4-de jeńiske jetken edi.
Endi «Barys» 8 qazanda elordada Reseıdiń SKA (Sankt-Peterbýrg) komandasyn qabyldaıdy.
Foto:hcbarys.kz
