Hokkeı: «Barys» «Avangardtan» basym tústi
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 23 jeltoqsanda Reseıde «Avangard» (Omby) komandasymen kezdesti, dep habarlaıdy QazAqparat tilshisi.
Elordalyq klýb sońǵy oıyndarda joǵary nátıjemen kózge túsip keledi. Bıyl olar sońǵy segiz kezdesýdiń altaýynda jeńiske jetti. Búginde jankúıer kóńilinen shyǵatyn oıyn kórsetti.
«Barys» alǵashqy shabýylynyń birinde qarsylastar qaqpasynan sańylaý tapty. Oıynnyń 1-mınýtynda elordalyq Roman Starchenko mergendigimen kózge tústi. Al 7-mınýtta reseılik Kırıll Semenov tarazy basyn teńestirdi.
Ekinshi kezeńniń 39-mınýtynda «Barys» qaıtadan alǵa shyqty. Bul joly ıAkob Lılıa múlt ketken joq.
Úshinshi kezeńniń 57-mınýtynda elordalyq Fıl Varone esepti ústemeleı tústi. Osylaısha «Barys» qarsylasynan 3:1 esebimen basym tústi. Aıta keterligi, qazaqstandyq klýb sońǵy toǵyz kezdesýdiń segizinde jeńiske jetip otyr.
Endi «Barys» elordada qatarynan úsh oıyn ótkizedi. Aldymen 26 jeltoqsanda Reseıdiń «Amýr» (Habarovsk), 28 jeltoqsanda «Sıbır» (Novosibir), 30 jeltoqsanda «Metallýrg» (Magnıtogorsk) komandalarymen kezdesedi.
