Hokkeı: «Barys» «Amýr» komandasynan taǵy jeńildi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıdiń «Amýr» (Habarovsk) komandasyna qarsy ótkizdi, dep habarlaıdy QazAqparat tilshisi.

Kezdesý barysynda komandalar tartysty oıyn ótkizdi. Týrnır kestesinde qatar kele jatqan komandalar úshin árbir kezdesýde jeńiske jetýdiń mańyzy artyp tur.

Birinshi kezeńde eki komandanyń da gol soǵatyn múmkindigi az bolǵan joq. Osyndaı sátterdiń birinde «Amýr» hokkeıshisi Sergeı Dýbakın 17-mınýtta qaqpany dál kózdedi.

Ekinshi kezeńde komandalar esepti ózgertýge tyrysty.

Dese de, eki komandanyń da qaqpashylary jınaqy qımyl kórsetti. Nátıjesinde tablodaǵy esep ózgerissiz qaldy.

Úshinshi kezeńde de gol soǵylǵan joq. Osylaısha «Barys» qarsylasyna 0:1 esebimen ese jiberdi.

Eske salsaq, elordalyq klýb 5 qańtarda atalǵan komandamen birinshi kezdesýinde býllıtten 3:4 esebimen ese jibergen edi.

Endi «Barys» aldaǵy oıyndaryn 8 jáne 9 qańtar kúnderi «Admıral» (Vladıvostok) komandasyna qarsy ótkizedi.