Hokkeı: «Barys» alǵashqy oıyndy «shataýtpen» aıaqtady
ASTANA. 10 tamyz. QazAqparat - Keshe, Astanadaǵy «Qazaqstan» sport saraıynda shaıbaly hokkeıden Qazaqstan Respýblıkasy Prezıdentiniń kýbogy úshin halyqaralyq týrnırdiń alǵashqy oıyndary aıasynda «Barys» reseılik «Amýr» komandasyn aıqyn basymdyqpen jeńdi.
Oıyn barysynda qarsylas komanda «Barysqa» birde-bir shaıba sala almady. Bul - astanalyq klýbtyń qaqpashysy Arı Ahonenniń alǵashqy «shataýty», ıaǵnı birde-birde shaıbany qalt jibermegen matchy. Al onyń áriptesi - «Amýrdyń» qaqpashysy Mıký ıArvınendi «Barystyń» hokkeıshileri san soqtyryp ketti. Qorytyndy esep - 8:0. Osy joly Dastın Boıd, Talǵat Jaılaýov, Konstantın Pýshkarev jáne Dmıtrıı Ýpper nátıjeli oıyn órnegimen kózge tústi. Al Naıdjel Doýs het-trıktiń, ıaǵnı úsh birdeı shaıbanyń avtory atandy. Match barysynda Nursultan Belgibaev ta muzǵa shyǵyp, óz ónerin kórsetti.
Aıta keteıik, osymen tórtinshi márte ótip jatqan dodaǵa tórt komanda qatysýda. Olar - astanalyq «Barys», «ıÝgra» (Hanty-Mansıısk), «Amýr» (Habarovsk) jáne «Vıtıaz» (Podolsk). Byltyr osy jarysta QR Prezıdent kýbogyn «SKA» (Sankt-Peterbýrg) komandasy oljalap ketken balatyn. Bıylǵy týrnır tamyzdyń 13-ine deıin jalǵasady.
