Hokkeı: «Barys» aldaǵy úsh oıynǵa qatysatyn hokkeıshiler tizimin jarııalady
NUR-SULTAN. QazAqparat - Búgin, 3 qańtarda elordalyq «Barys» 2021 jyldaǵy alǵashqy oıynyn ótkizý úshin Reseıdiń Habarovsk qalasyna attandy, dep habarlaıdy QazAqparat tilshisi.
Esterińizge sala ketelik, «Barys» alda syrt aıdynda úsh oıyn ótkizedi. Aldymen 4 jáne 6 qańtarda Habarovskide jergilikti «Amýrmen» eki márte sheberlik baıqassa, 8 qańtarda Ekaterınbýrgte «Avtomobılıstpen» muz aıdynǵa shyǵady.
Bıyl elordalyq klýb «Amýrmen» bir márte kezdesti. Elordada ótken oıynda «Barys» 5:2 esebimen jeńiske jetti.
Qazaqstandyq komanda budan buryn 7 qazanda syrt aıdynda «Avtomobılıstke» 2:3 esebimen ese jiberip qoıdy.
«Barystyń» bapkerler quramy aldaǵy úsh oıynǵa qatysatyn hokkeıshiler tizimin jarııalady . Olardyń qatarynda qaqpashylar - Henrık Karlsson, Sergeı Kýdrıavtsev, Ionı Ortı, qorǵaýshylar -Djessı Bleker, Tamırlan Gaıtamırov, Samat Danııar, Darren Dıts, Aleks Lıntýnıemı, Alekseı Maklıýkov, Valerıı Orehov, Dıllon Heterıngton bar. Sondaı-aq, atalǵan oıyndarda shabýylshylar Pavel Akolzın, Alıhan Asetov, Fılıpp Varone, Lınýs Vıdell, Kertıs Volk, Dmıtrıı Gýrkov, Maksım Mýsorov, Nıkıta Mıhaılıs, ıAkob Lılıa, Kırıll Panıýkov, Zahar Parhomenko, Egor Petýhov, Anton Sagadeev, Roman Starchenko, Mettıý Frettın, Egor Shalapov, Dmıtrıı Shevchenko komanda jeıdesin kıedi.
Aıta keteıik, «Barys» sońǵy 12 kezdesýdiń 10-da jeńiske jetti. Týrnır kestesinde 38 oıynnan keıin 45 upaımen 15 orynda keledi.
