Hokkeı: «Barys» «Aq Barystan» taǵy jeńildi
ASTANA. QazAqparat - Qurlyqtyq hokkeı lıgasynda (QHL) óner kórsetetin Astananyń «Barysy» óz aıdynynda «Aq Barys» komandasyna 2:5 esebimen ese jiberdi, dep habarlaıdy «QazAqparat» tilshisi.
Buǵan deıin sońǵy 14 oıynnyń 12-sinde jeńilis taýyp, pleı-offqa shyǵatyndaı múmkindikti azaıtyp alǵan aıdyn ıeleri Shyǵys konferentsııasynda kósh bastap kele jatqan komandamen synǵa tústi. Kóp uzamaı-aq qazandyqtardyń sheberligi basym ekeni baıqala bastady. 8-mınýtta ıAroslav Kosovtyń alystan soqqan shaıbasy qaqpaǵa enip ketkenmen, tóreshiler ony oıynnan tys qaldy dep, goldy eseptegen joq. Áıtse de bir mınýttaı ýaqyttan keıin «Barys» oıynshylarynyń qateliginen soń qaqpa aldynda jalǵyz qalǵan Anton Lander esep ashty. 12-mınýtta aıdyn ıeleriniń shabýyly kezinde Nıkıta Mıhaılıs shaıbany qarsylasqa berip qoıyp, sonyń saldarynan Nıkıta ıAzkov esepti 2:0-ge jetkizdi.
Ekinshi kezeńde qaqpashy Sergeı Kýdrıavtsevti shvetsııalyq Henrık Karlsson aýystyrǵanymen, «Aq Barystan» Rob Klınkhammer, sosyn Stanıslav Galıev taǵy eki goldy «Barystyń» qaqpasyna engizdi. Osynyń aldynda baqandaı eki kezdesý boıy qarsylastar qaqpasynyń kiltin taba almaı, pushaıman bolǵan astanalyqtardan Lınden Veı 35-mınýtta bir goldyń avtory atandy.
Úshinshi kezdesýde astanalyqtardyń taǵy bir qateliginen keıin A.Lander esepti qaıta ulǵaıtty. Budan keıin qonaqtardan birneshe oıynshy tártip buzyp, aıdynnan qýylǵanymen, aıdyn ıeleri ony da paıdalana almady. Tek oıyn bitýge bir mınýttaı qalǵanda, qonaqtar óreskel qatelesip, Djeıms Raıt qaqpashy Aleksandr Sharychenkovty aldap ótip, shaıbany qaqpaǵa baǵyttaı aldy.
«Barys» budan bir aıdaı ýaqyt buryn, 25 qarasha kúni Qazanda «Aq Barystan» 0:2 esebimen utylǵan bolatyn.
Osylaısha, sátsizdik serııasyn jalǵastyryp kele jatqan «Barys» komandasy 63 upaımen Shyǵys konferentsııasynda onynshy orynǵa syrǵydy. ıAǵnı pleı-oftyń aýyly alystaı tústi degen sóz.
Aıta keteıik, elordalyqtar 29 jeltoqsan kúni Batys konferentsııasynda 68 upaımen jetinshi orynda kele jatqan «HK Sochı» komandasyn qabyldaıdy.
