Hokkeı: «Barys» «Aq Barsty» jeńe ala ma?
ASTANA. 13 qyrkúıek. QazAqparat - Qurlyqtyq hokkeı lıgasy aıasynda búgin astanalyq «Barys» hokkeı klýby óz alańynda «Aq Bars» (Qazan qalasy) komandasymen kezdesedi.
Oıyn keshki saǵat 19:00-de Qazaqstan sport kesheninde bastalady. Ony tikeleı efır arqyly «Astana» telearnasynan kórýge múmkindik bar.
Negizi, Qurlyqtyq hokkeı lıgasy basshylyǵynyń «Barysqa» qatysty saıasaty qatty bolyp tur. Bıyl da alǵashqy oıyndarda olar qazaqstandyq hokkeı klýbyna qarsy kileń myqtylardy shyǵardy. Máselen, alǵashqy kezdesýde biz «Dınamoǵa» qarsy oınadyq. Esep - 5:1. Odan keıin kúni keshe ǵana QR Prezıdenti N.Nazarbaevtyń Kýbogyn alyp ketken «SKA» (Sankt-Peterbor) komandasynan 7:3 esebimen ońbaı jeńildik. Al sońǵy matchta «Avangardqa» ese jiberip qoıdyq. Esep - 4:3. Biraq osy oıynda «Barystyń» jigitteri 3:1 esebimen jeńilip turyp, oıynnyń sońǵy kezeńinde tarazy basyn teńestire bildi. Odan keıin qosymsha ýaqytta bir shaıbany jiberip qoıyp, qarsylastaryna jol berýge májbúr boldy.
Endi, búgin «Barys» Qurlyqtyq hokkeı lıgasynyń kóshbasshysy - «Aq Barspen» kezdesedi. Úsh jyl qatarynan biz oǵan jeńilip kelemiz. Bir qyzyǵy, ótken jyly ǵana osy komandany jattyqtyrǵan Vladımır Krıkýnov búginde «Barysqa» bapker bolyp júr. Bálkim, sonyń kómegimen osy jolǵy oıyn bizdiń paıdamyzǵa sheshilip qalar. Al budan keıingi oıynda «Barys» «Salavat ıÝlaevpen» kezdesedi. Ol ótken jyly Qurlyqtyq hokkeı lıgasynyń jeńimpazy atanyp, Gagarın kýbogyn utyp alǵan bolatyn.
