Hokkeı: «Barys» «Ak Barstan» basym tústi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) klýbyna qarsy ótkizdi, dep habarlaıdy QazAqparat tilshisi.

Kezdesý barysynda komandalar tartysty oıyn ótkizdi. Bir-biriniń qaqpasy mańynda jıi boı kórsetti. Oıynnyń 18-mınýtynda qazaqstandyq Samat Danııar soqqan gol «Barysty» alǵa shyǵardy.

Ekinshi kezeńde komandalar bir-biriniń qaqpasyna eki-ekiden shaıba soqty. Aldymen 22-mınýtta «Ak Bars» hokkeıshisi Kırıll Petrov tarazy basyn teńestirse, odan keıin «Barys» sapynan Ádil Beketaev 27, Lınden Veı 31-mınýtta eki goldyń avtory atandy.

Al 36-mınýtta reseılik hokkeıshi Artem Galımov 36-mınýtta mergendik tanytyp, esep aıyrmasyn bir golǵa qysqartty.

Osylaısha elordalyq klýb qarsylasynan 3:2 esebimen basym tústi.

Endi «Barys» kelesi oıynyn 11 qazanda Qytaıdyń «Kýnlýn Red Star» (Beıjiń) komandasyna qarsy ótkizedi.

Eske salsaq, budan buryn «Barys» reseılik «Torpedoǵa» ese jiberdi.