Hokkeı: «Barys» «Admıral» komandasynan basym tústi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Admıral» (Vladıvostok) komandasyna qarsy ótkizdi, dep habarlaıdy QazAqparat tilshisi.

Kezdesý barysynda reseılik klýb sapynan Valerıı Orehov 6-mınýtta esep ashty. Odan keıin «Barys» hokkeıshisi Aleks Grant 12, 22, 23, 38-mınýttarda qatarynan tórt shaıba soqty. Elordalyq taǵy bir hokkeıshi Egor Petýhov 44-mınýtta qorytyndy esepti belgiledi. Osylaısha, «Barys» qarsylasynan 5:1 esebimen basym tústi.

Eki komanda buǵan deıin 29 márte kezdesti. Onyń 16-sy «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Endi elordalyq klýb atalǵan qarsylasymen 9 qańtarda taǵy bir márte kezdesedi.

Eske salsaq, budan buryn elordalyq klýb «Amýr» komandasynan qatarynan eki márte jeńildi.

Foto: sports.kz