Hokkeı: «Barys» búgin elordada «Spartak» komandasymen kezdesedi
ASTANA. KAZINFORM - Qazaqstandyq «Barys» komandasy búgin óz alańynda Qurlyqtyq hokkeı lıgasyndaǵy kezekti oıynyn Reseıdiń «Spartak» (Máskeý) komandasyna qarsy ótkizedi. Kezdesý elorda ýaqytymen saǵat 17:00-de bastalady.
Eki komanda buǵan deıin 30 márte kezdesken. Onyń 18-i elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetken.
Týrnır kestesinde «Barys» 60 oıynnan keıin 46 upaımen 22-orynda tur. Al «Spartak» 61 oıynnan keıin 80 upaımen 7-orynda keledi.
Aıta keteıik, astanalyq klýb sońǵy 10 oıynnyń toǵyzynda qarsylastaryna ese jiberdi.
Bul kezdesýden keıin qazaqstandyq ujym eki oıynyn 13 jáne 14 aqpanda Reseıde «Admıral» (Vladıvostok) komandasyna qarsy ótkizedi.
Eske salsaq, budan buryn elordalyq klýb qatarynan toǵyzynshy márte jeńildi.
