Hokkeı: Astananyń «Barysy» pleı-off kezeńine joldama aldy
ASTANA. QazAqparat - Qurlyqtyq hokkeı lıgasynda óner kórsetetin Astananyń «Barysy» óz aıdynynda Novosibirdiń «Sıbır» komandasyn overtaımda 2:1 esebimen utyp, pleı-off kezeńine joldama aldy, dep habarlaıdy «QazAqparat» HAA tilshisi.
«Qazsport» telearnasynan tikeleı efırde kórsetkenindeı, aldymen 8-mınýtta qonaqtar (Kırıll Vorobev) esep ashty. Kóp uzamaı 14-mınýtta Dastın Boıd tarazy basyn teńestirdi. Oıyn barysynda, ásirese, ekinshi kezeńde astanalyqtar kóptegen múmkindikterdi paıdalana almady. Pleı-off kezeńine shyǵý úshin novosibirlikterge upaı aýadaı qajet edi, sondyqtan olar da tyrysyp baqty. Negizgi ýaqytta jeńimpaz anyqtalmaǵannan keıin belgilengen overtaımda Kevın Dallmen match aıaqtalýǵa sál qalǵanda, «Sıbır» komandasynyń qaqpasyn dál kózdep, «Barysqa» jeńis áperdi.
Osy kezdesýden keıin 89 upaı jınaǵan «Barys» Shyǵys konferentsııasynda besinshi orynda keledi. Sóıtip qalǵan matchtardyń nátıjesine qaramastan, Qurlyqtyq hokkeı lıgasynyń pleı-off kezeńine joldama aldy.
Belorýssııalyq maman Edýard Zamkovets jattyqtyratyn astanalyqtar kelesi oıynyn 16 aqpan kúni óz aıdynynda Novokýznetskiniń «Metallýrg» komandasymen ótkizedi. Al olardyń pleı-oftaǵy qarsylasy keıin belgili bolady.
