Hokkeı: Astananyń «Barysy» overtaımda «Metallýrg» komandasyna jol berdi
ASTANA. QazAqparat - Qurlyqtyq hokkeı lıgasynda oınap júrgen Astananyń «Barysy» búgin óz aıdynynda Shyǵys konferentsııasynda sońǵy orynda kele jatqan Novokýznetskiniń «Metallýrg» komandasyn qabyldady, dep habarlaıdy «QazAqparat» HAA tilshisi.
«Qazsport» telearnasynan tikeleı efırde kórsetkenindeı, matchtyń ekinshi kezeńinde Brendan Shınnımın, sosyn Roman Savchenko mergendik kórsetip, «Barys» komandasyn 2:0 esebimen alǵa shyǵardy. Degenmen úshinshi kezeńde qonaqtar 52-mınýtta alty sekýnd ishinde (Tımýr Fatkýllın, Evgenıı Solovev) eki gol soǵyp, tarazy basyn teńestirip ketti. Budan keıin astanalyqtar da, meımandar da san basymdylyǵyn paıdalana almaı, kezdesý 2:2 esebimen teń aıaqtalyp, overtaım belgilendi. Qosymsha taımda Aleksandr Komarıstyı «Metallýrg» komandasyna jeńis áperip, kóp múmkindigin paıdalana almaǵan «Barys» bul kezdesýden nebári bir upaı oljalady. Oǵan qosa komanda kapıtany Brendon Bochenskı oıyn barysynda jaraqat alyp qaldy.
Degenmen 90 upaımen Shyǵys konferentsııasyndaǵy besinshi ornyn saqtap qalǵan astanalyqtar kelesi kezdesýin óz aıdynynda 18 aqpan kúni Ombynyń «Avangard» komandasymen ótkizedi.
Aıta keteıik, pleı-oftyń alǵashqy kezeńinde «Barys» Chelıabiniń «Traktor» komandasymen oınaıdy. «Traktor» 96 upaımen turaqty chempıonatta astanalyqtardan joǵary turǵandyqtan, bastapqy eki matchty óz aıdynynda ótkizedi. Sodan keıin serııalyq kezdesýler Astanada jalǵasady.
