HOKKEI: Astananyń «Barysy» «Medveshchak» komandasyn iri eseppen utty (FOTO)
ASTANA. QazAqparat - Búgin Qurlyqtyq hokkeı lıgasynyń kezekti týrynda Astananyń «Barysy» óz aıdynynda Zagrebtiń «Medveshchak» komandasyn qabyldap, 6:1 esebimen jeńiske jetti.
«Qazsport» telearnasynan kórsetkenindeı, «Barys» sapyndaǵy Naıdjel Doýs oıyn barysynda het-trık jasap, erekshe kózge tústi. Sondaı-aq Vadım Krasnoslobodtsev qonaqtar qaqpasyn eki márte dál kózdese, Brendon Bochenskı taǵy bir doptyń avtory atandy.
Osy oıynnan keıin 59 upaı jınaǵan «Barys» Shyǵys konferentsııasynda burynǵysha toǵyzynshy orynda keledi. Pleı-off kezeńine shyǵýǵa múmkindik beretin segizdikke iligý úshin astanalyqtarǵa áli de qorjyndaǵy upaı sanyn kóbeıte túsý kerek.
Andreı Nazarovtyń shákirtteri kelesi oıynyn 8 jeltoqsan kúni Habarovskide jergilikti «Amýrmen» ótkizedi. Sodan keıin 10-11 jeltoqsanda Vladıvostokta týrnır kestesinde óziniń aldynda turǵan komandanyń biri «Admıralmen» kúsh synasady. Osy kezdesýler «Barys» úshin asa mańyzdy bolmaq.
