Hokkeı: Astananyń «Barysy» Máskeýdiń atyshýly TsSKA komandasyn tize búktirdi (FOTO)
ASTANA. QazAqparat - Qurlyqtyq hokkeı lıgasynyń turaqty chempıonatynda óner kórsetetin Astananyń «Barysy» óz aıdynynda týrnır kestesinde kósh bastap kele jatqan Máskeýdiń TsSKA komandasyn qabyldap, azýly qarsylasyn 4:3 esebimen tize búktirdi.
Vesti.kz saıtynan alynǵan málimetke qaraǵanda, Andreı Nazarovtyń shákirtteri oıyn tizginin birden qolǵa aldy. Ekinshi mınýt bastalysymen-aq Roman Savchenko qonaqtardyń qaqpashysy Vıktor Fasty qapy qaldyrdy. Jeti mınýttan keıin Roman Starchenko bir oıynshynyń artyqtyǵyn paıdalalanyp, qaqpashymen jekedara shyǵyp, buryshty dál kózdedi. Ekinshi kezeń basy «Barys» pen TsSKA-nyń shabýylshylary Konstantın Pýshkarev pen ıAn Mýrshaktyń tóbelesimen este qaldy. Sóıtip ekeýi de dórekiligi úshin tórt mınýtqa aıdynnan qýyldy. Ekinshi kezeń sońyna taman «Barystyń» oıynshysy Marten Sen-Per esepti 3:0-ge jetkizdi. Alaıda TsSKA oıynshylary Sergeı Andronov pen ıAn Mýrshak nebári bir jarym mınýt ishinde «Barystyń» qaqpasyna eki gol salyp úlgerdi.
Úshinshi kezeńniń basynda «Barystan» Maık Landın taǵy bir oıynshynyń artyqtyǵyn sátti paıdalanyp, esepti 4:2-ge jetkizdi. TsSKA sońǵy mınýtta Stefan Da Kostanyń mergendigi arqasynda esepti qysqartqanymen, odan árige shamasy jetpedi.
Eń bastysy, «Barys» Cherepovetstiń «Severstal» komandasymen ótken oıyndaǵy qatelikterin qaıtalamaı, QHL-dyń eń myqty klýbtarynyń birinen taısalmaı, jeńiske degen jigeri men qaısarlyqtaryn kórsete bildi. Astanalyqtardyń bas bapkeri Andreı Nazarov óz komandasynyń barlyq kezdesýlerde dál osylaı oınasa, pleı-off kezeńine shyǵý máselesiniń sheshiletinin atap kórsetti.
Osy mańyzdy jeńisten keıin «Barys» 46 oıynnan keıin 64 upaı jınap, Shyǵys konferentsııasynda jetinshi orynǵa kóterildi. Áıtse de segizinshi jáne toǵyzynshy oryndaǵy «Avtomobılıst» (Ekaterınbýrg) pen «Neftehımık» (Nıjnekamsk) komandalarynyń da 64-ten upaılary bar ári ótkizgen oıyndary kem (sáıkesinshe 44 jáne 43 oıyn). Bul pleı-off básekesine qatysýǵa múmkindik beretin alǵashqy segizdikke ený úshin shaıqastyń alda ekendigin kórsetedi. «Barys» kelesi kezdesýin Astanada 3 qańtar kúni «ıÝgra» (Hanty-Mansıısk) komandasymen ótkizedi.
Aıta keteıik, «Barystyń» turaqty chempıonat barysynda endi 14 oıyny qalsa, sonyń teń jartysyn óz aıdynynda, qalǵanyn basqa qalalarda ótkizedi. Osy kezdesýlerinde sátti oınap, upaıdy kóbirek jınasa, basty qarsylastary «Avtomobılıst» pen «Neftehımıkten» ozýǵa múmkindigi mol. Bul rette «Barys» pen «Neftehımıktiń» arasynda Astanada ótetin match biraz máseleniń basyn ashyp bermek.
