Hokkeı: astanalyq «Barys» Reseıdiń «Vıtıaz» komandasyn oısyrata utty
ASTANA. 1 jeltoqsan. QazAqparat /Jasulan Amanbaıuly/ - Astanalyq «Barys» hokkeı klýby Qurlyqtyq hokkeı lıgasy aıasyndaǵy kezekti syrt alańdaǵy oıynda Chehovtyń «Vıtıaz» komandasyn oısyrata utty.
Tablodaǵy esep 2:6 qonaqtardyń paıdasyna sheshildi. Kezdesý 30 qarasha keshke Reseıdiń Chehov qalasynda ótken bolatyn. Astanalyq klýb pen «Vıtıaz» arasyndaǵy kezdesýdi barlyq jankúıerler men sport sarapshylary kútken bolatyn. «Barystyń» sapynda bıyldan bastap reseılik komandanyń burynǵy oıynshysy Djoshýa Gretton óner kórsetip júr. Alaıda jeńisti qazaqstandyq klýbtyń qatarynan Dastın Boıdtyń úsh goly men Talǵat Jaılaýovtyń, Roman Starchenko jáne Konstantın Romanov salǵan shaıbalary áperdi.
«Vıtıaz» komandasy astanalyqtardyń qaqpasyna tek 2 nátıjeli soqqy jibergen.
Bunyń aldynda atalǵan eki komanda chempıonatta bir-birimen 8 ret jolyqqan. Sonyń 7-ýinde «Barys» jeńiske jetken bolatyn. Osy jeńisinen keıin «Barystyń» upaıy 43-ke jetip, QHL-diń Shyǵys konferentsııasynda 4-orynda keledi. Erteń otandastarymyz óz alańynda Ekaterınbordyń «Avtomobılısin» qabyldaıdy.
