Hokkeı: Astanalyq «Barys» pleı-offta «Metallýrgten» jeńildi
NUR-SULTAN. QazAqparat - Qurlyqtyq hokkeı lıgasynyń pleı-off satysynda elordalyq «Barys» búgin, 12 naýryzda Reseıde «Metallýrg» (Magnıtogorsk) komandasymen altynshy oıyn ótkizdi, dep habarlaıdy QazAqparat tilshisi.
Esterińizge sala ketelik, jeńister serııasy boıynsha «Metallýrg» 3:2 esebimen alda turǵan bolatyn. Búgin «Metallýrg» jeńiske jetken jaǵdaıda shyǵys konferentsııasynda jartylaı fınalǵa joldama alatyn edi. Al elordalyq klýb basym tússe, oıyndar serııasy taǵy bir kezdesýge sozylatyn.
Birinshi kezeńde eki komanda bir-biriniń qaqpasynan sańylaý taba alǵan joq. Al ekinshi kezeńde komandalar shabýyl shebinen kóbirek boı kórsetti.
Aldymen «Metallýrg» sapynan Semen Koshelev 25-mınýtta esep ashty. Odan keıin «Barys» hokkeıshisi Lınýs Vıddel tarazy basyn teńestirdi. Al 36-mınýtta Dennıs Rasmýssen qaıtadan reseılik klýbty alǵa shyǵardy. Qazaqstandyq Nıkıta Mıhaılıs 39-mınýtta mergendik tanytty. Esep 2:2.
Úshinshi kezeńde reseılik Sergeı Mozıakın – 45, Teılor Bek 54-mınýttarda gol soǵyp, esepti ulǵaıta tústi. «Barys» hokkeıshisi Kırıll Panıýkov 57-mınýtta esep aıyrmasyn qysqartty. «Metallýrg» sapynan 58-mınýtta Sergeı Plotnıkov qorytyndy esepti belgiledi. Osylaısha elordalyq komanda qarsylasyna 2:5 esebimen ese jiberdi.
Reseılik klýb jeńister serııasynda osylaısha 4:2 esebimen jeńiske jetti. Nátıjesinde jartylaı fınalǵa joldama aldy.
Qazirgi ýaqytta 1/2 fınalǵa alty komanda shyqty. Olardyń qatarynda TsSKA, «Lokomotıv», SKA, «Dınamo», «Ak Bars», «Salavat ıÝlaev», «Avangard» klýbtary bar.
