Hokkeı: Astanada «HOKEI MEIRAMY 2024» ǵalamat festıvali ótedi

ASTANA. KAZINFORM – 27 sáýir kúni Astanadaǵy «Barys-Arenada» stadıonynda tarıhtaǵy alǵashqy «HOKEI MEIRAMY 2024» ǵalamat festıvali ótedi.

Bul hokkeı meıramyndaǵy basty oqıǵa 3h3 formatyndaǵy týrnır bolmaq. Oǵan Qazaqstan hokkeıiniń qaımaqtary men basqa da juldyzdar qatysady. 

Eske sala keteıik, buǵan deıin Qazaqstannyń hokkeı federatsııasy QHL-dyń bas demeýshisi 1XBET kompanııasymen birge el tarıhynda alǵash ret «1XBET HOKEI MEIRAMY 2024» ǵalamat festıvali ótetinin jarııa etken bolatyn.

Hokkeı merekesi «Barys-Arenada» ótedi jáne «1XBET HOKEI MEIRAMY 2024» festıvalindegi basty oqıǵa 3h3 formatyndaǵy týrnır bolmaq. Oǵan qazaqstandyq hokkeıdiń betkeustarlary, QHL men Pro Hokei Ligasy-nyń qazirgi oıynshylary, juldyzdar qatyspaq.

Týrnırge kelesi tórt komanda qatysady: «Legendy», «PRO», «Astana» jáne Qazaqstan quramasy.

Komandalar quramy men bapkerler shtabtaryn jaqyn kúnderde jarııalamaq. 

Týrnır aıasynda tórt kezdesý: jartylaı fınaldar, úshinshi oryndy anyqtaıtyn match pen fınal ótedi. Matchtardyń formaty: 10 mınýttyq jalpy ýaqyttan eki kezeń. Oıyndar 3-ke 3 hokkeıiniń erejeleri boıynsha ótedi.

Matchtardyń úzilisteri kezinde kórermender úshin rep-oryndaýshy V $ X V PRiNCE (Asha Prınts) pen basqa da is-shara qonaqtarynyń qatysýymen kontserttik baǵdarlama josparlanǵan.