Hokkeı: Astanada 3 el quramalarynyń qatysýymen halyqaralyq týrnır ótedi
NUR-SULTAN. QazAqparat - Búgin, 10 aqpanda elordada shaıbaly hokkeıden Qazaqstan Hockey Open-2021 týrnıri jalaýyn kóteredi, dep habarlaıdy QazAqparat tilshisi.
Aıta keteıik, dúbirli doda tuńǵysh márte ret ótkiziledi. Oǵan Qazaqstan, Reseı, Belarýs quramalary qatysady.
Týrnır bıylǵy álem chempıonatyna daıyndyq esebinde júrgiziledi. Ol 2021 jyldyń 21 mamyry men 6 maýsymy aralyǵynda Latvııada bolady.
Alǵashqyda týrnırge tórt qurama qatysady dep josparlanǵan edi. Álemde koronavırýs ınfektsııasynan qalyptasqan jaǵdaıǵa baılanysty olardyń bireýi jarysqa kelýden bas tartty. Sondyqtan bul quramanyń ornyn elimizdiń ekinshi quramasy tolyqtyrdy. Ekinshi qurama tek kórneki oıyndar ótkizedi.
Matchtar Qazaqstan aýmaǵynda otandyq telearnalarda kórsetiledi. Sonymen qatar, Shaıbaly hokkeıden QR federatsııasynyń Youtube-kanalynda onlaın efır bolady.
Oıyndar kestesi:
10 aqpan, 19:30, Belarýs - Qazaqstan;
11 aqpan, 19:30, Reseı - Belarýs;
12 aqpan, 15:30, Qazaqstan 2 - Belarýs (kórneki oıyn);
12 aqpan, 19:30, Qazaqstan - Reseı;
13 aqpan, 17:00, Reseı - Qazaqstan 2 (kórneki oıyn).
