Hokkeı: «Arlan» óz aıdynynda «Ertisti» utty
KÓKShETAÝ. QazAqparat -Kókshetaýdyń «Arlan» HK óz aıdynynda Pavlodardyń «Ertis» komandasyn utty, dep habarlaıdy QazAqparat tilshisi.
Qazaqstan chempıonatynyń 7 týrynyń 2 kezeńi sheńberinde ótken oıynda qos komandanyń oıynshylary da alǵashqy mınýttan shabýylǵa shyqty. Alaıda, qonaqtar aıdyn ıesiniń qaqpashysynan aılasyn asyra almady. Esesine Savenkovtyń salaǵan shaıbasy birinshi taımda «Arlandyqtardy» 1:0 esebimen alǵa shyǵardy. Ekinshi taımda «Arlan» oıynshysy Dastan taǵy bir shaıba salyp, esep aıyrmasyn eseleı tústi.
Al úshinshi taımda qonaqtar shıraq qımyldap eki márte kózge tússe, arlandyqtar úshinshi shaıbany saldy. Osylaısha, matchtyń qorytyndysy boıynsha «Arlan» HK 3:2 esebimen mańyzdy jeńiske qol jetkizdi.
Erteń 3 aqpanda saǵat 17:00 qos komanda ózara taǵy bir match ótkizedi.
Eske sala keteıik, jýyrda Kókshetaýdyń «Arlan» hokkeı klýby aıdy aspanǵa shyǵaryp, el tarıhynda tuńǵysh ret Qurlyq kýbogyn jeńip alǵan bolatyn. Alystaǵy Irlandııada ótken fınaldyq kezdesýde «Arlan» hokkeıshileri aıdyn ıeleri - jergilikti «Belfast Djaıants» komandasynan basym boldy.
