Hokkeı: «Amýr» - «Barys» kezdesýin qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynynda Reseıdiń «Amýr» komandasymen kezdesedi, dep habarlaıdy QazAqparat tilshisi.
«Amýr» jáne «Barys» komandalary arasyndaǵy kezdesý elorda ýaqytymen 15.00-de bastalady. Oıyn «Qazsport» telearnasynan tikeleı efırde kórsetiledi.
Eki komanda búgingi kúnge deıin 35 márte kezdesken. Onyń 18-i «Barystyń» basymdyǵymen aıaqtalsa, qalǵanynda qarsylasyna ese jiberdi. Aıta keterligi, bıylǵy dúbirli dodada ekeýi úsh márte kezdesip, onyń ekeýinde elordalyq klýb basymdyq tanytty.
Esterińizge sala ketelik, qazir «Barys» qurlyqtyq hokkeı lıgasy turaqty kezeńindegi jalpy týrnır kestesinde 84 upaımen tórtinshi orynda tur. Pleı-off kezeńine beriletin joldamaǵa birneshe týr buryn qol jetkizip qoıdy. Al «Amýr» 60 upaımen 18-orynda keledi. Olar pleı-off kezeńinen shet qaldy.
Elordalyq klýb sońǵy toǵyz kezdesýdiń segizinde jeńiske jetti. 24 aqpanda Vladıvostokta jergilikti «Admıraldy» 3:1 esebimen tize búktirdi . Al «Amýr» ala-qula oıynymen jankúıerin qýanta almaı júr. Sońǵy úsh kezdesýde qarsylastaryna ese jiberip qoıdy.
Budan buryn óz aıdynynda Nıjnekamskiniń «Neftehımık» komandasynan overtaımda 2:3 esebimen jeńilip qaldy.
