Hokkeı: ÁCh alǵashqy kezdesýinde Qazaqstan Germanııaǵa ese jiberdi
ASTANA. QazAqparat - Mınskide ótip jatqan álem chempıonatynda hokkeıden Qazaqstannyń erler quramasy Germanııa komandasyna býllıt serııasynda ese jiberdi, dep habarlady Qazsport telearnasynyń resmı saıty.
Oıynnyń negizgi ýaqyty 1:1 esebimen teń aıaqtalǵan bolatyn. Matchtyń 11 mınýtynda esepti qazaqstandyq qurama ashty. Shaıbanyń avtory - Andreı Gavrılın.
Artynsha germanııalyq Mattıas Plahta esepti teńestirdi. Budan keıin eki komanda da negizgi ýaqyt aıaqtalǵansha bir-biriniń osal tusyn taba almady. Overtaımda da esep ózgergen joq. Tek býllıt serııasynda Germanııa quramasy basymdyǵyn kórsete bildi.
Aıta keteıik, bizdiń hokkeıshilerdiń kelesi oıyny 11 mamyr kúni Belarýs Respýblıkasy komandasymen ótedi. Al 13 mamyrda Qazaqstan quramasynyń qarsylasy Latvııa, 14 mamyrda - Reseı, 16 mamyrda - AQSh, 17 mamyrda -Shveıtsarııa, sonymen birge dál sol kúni Fınlıandııa bolmaq.
Esterińizge sala keteıik, shaıbaly hokkeıden álem chempıonaty keshe Mınskide bastalǵan bolatyn. Baıraqty básekede álemniń hokkeıden úzdik qurama komandalary baq synaýda.
