Hokkeı: A.Nazarov Qazaqstan quramasynyń bas bapkeri qyzmetin jalǵastyrady
ASTANA. QazAqparat - Andreı Nazarov Shaıbaly hokkeıden Qazaqstan quramasynyń bas bapkeri qyzmetin jalǵastyratyn boldy. Mundaı sheshim búgin Qazaqstan hokkeı federatsııasy atqarýshy komıtetiniń qorytyndy otyrysynda qabyldandy.
«Otyrys barysynda aıtylǵan jaıttardy, bizdiń jattyqtyrýshylar shtabyn qalyptastyrǵanymyzdy eskerýimiz qajet. Ol bas jattyqtyrýshy Nazarov Andreı Vıktorulynan, sonymen qatar jattyqtyrýshylar shtabyna kiretin jergilikti mamandar Koreshkov pen Shaıanovtan jasaqtalǵan. Bas menedjer kelesi Koreshkov Andreı Genadııuly. Mende Atqarýshy komıtet múshelerine mynadaı usynys bar, 2016-2017 maýsymǵa jattyqtyrýshylar shtabynyń ókilettigin uzartý máselesin qaraý týraly», - dedi Qazaqstan hokkeı federatsııasynyń prezıdenti Asqar Mamın.
Federatsııa prezıdentiniń bul usynysyn Atqarýshy komıtettiń barlyq músheleri biraýyzdan qoldady.
Aıta keterligi, mundaı sheshim Osloda ótetin olımpıadalyq irikteý týrnıriniń bastalýyna ýaqyttyń az qalýyna oraı qabyldanyp otyr. Bul týrnır osy jyldyń 1-4 qyrkúıegi aralyǵynda ótedi. Bul jarysta Qazaqstan quramasy jalǵyz olımpıadalyq joldama úshin Norvegııa, Frantsııa jáne Italııa quramalarymen kúsh synasady.
