Hokkeı: A.Nazarov Qazaqstan quramasyn 4-shi maýsymda da basqarýǵa nıetti
ASTANA. QazAqparat - Andreı Nazarov Shaıbaly hokkeıden Qazaqstan quramasynyń aldaǵy tórtinshi maýsymynda da bas bapkeri bolǵysy keledi. Búgin elordada ótken Qazaqstan hokkeı federatsııasy atqarýshy komıtetiniń qorytyndy otyrysy aıasynda ol osyndaı oıyn bildirdi.
«Tórtinshi maýsymǵa da qalamyn degen oıym bar. Men ketýge jınalyp otyrǵan joqpyn. Sizder alǵashqy jyldan-aq meni shyǵaryp salǵansyzdar. Júktelgen mindet óte baıypty, ony oryndaý qajet», - dedi A.Nazarov BAQ ókilderiniń saýalyna oraı.
Aıta keteıik, otyrys barysynda Qazaqstan hokkeı federatsııasynyń prezıdenti Asqar Mamın ulttyq qurama tizginin A.Nazarovqa taǵy bir márte senip tapsyrý usynysyn jasap, ony Atqarýshy komıtettiń barlyq músheleri qoldaǵan bolatyn.
Taǵy bir eskererligi, bul Qazaqstan quramasyn úshinshi maýsym qatarynan jattyqyrý múmkinshiligin alǵan alǵashqy maman bolyp otyr.
