Hokkeı: 2020 jyly Chehııada ótetin jastar álem chempıonatyna kimder qatysady
ASTANA. QazAqparat - Chehııada ótetin kelesi álem chempıonatyna Qazaqstan jastar quramasynyń qazirgi quramyndaǵy toǵyz hokkeıshi qatysýy múmkin, dep habarlaıdy QazAqparat Sports.kz saıtyna silteme jasap.
Bul qaqpashy Vladıslav Nýrek, qorǵaýshylar Ernar Musabaev, Artem Korolev, Davıd Mýratov, shabýylshylar Oleg Boıko, Andreı Býıalskıı, Dıas Gýseınov, Rýslan Demın jáne Maksım Mýsorov.
Eske sala keteıik, jastar komandalary arasyndaǵy álem birinshiligi 2019 jyldyń 26 jeltoqsany men 2020 jyldyń 5 qańtary aralyǵynda Chehııanyń Ostrava jáne Trshınets qalalarynda ótedi.
