Hokkeı: 2020 jyly álem chempıonatynda Qazaqstan quramasyna qarsy kimder oınaıdy
ASTANA. QazAqparat - 2020 jyly Chehııanyń Ostrava jáne Trshınets qalalarynda ótetin jastar arasyndaǵy álem chempıonatynda oınaıtyn toptardyń quramy belgili boldy. Bul týraly Sports.kz saıtyna silteme jasap «QazAqparat» HAA habarlaıdy.
A tobynda 2019 jylǵy jastar arasyndaǵy fınaldyq matchtyń (Fınlıandııa/AQSh) jeńimpazy, sondaı-aq Shveıtsarııa, Shvetsııa, Slovakııa jáne Qazaqstan komandalary kezdesedi.
V tobynda 2019 jylǵy jastar arasyndaǵy fınaldyq matchta (Fınlıandııa/AQSh) jeńilgen komandamen Reseı, Kanada, Chehııa jáne Germanııa komandalary oınaıdy.
2019 jylǵy jastar chempıonaty 27 jeltoqsan kúni bastalyp, 2019 jyldyń 6 qańtarynda aıaqtalady.
Eske sala keteıik, toptyq kezeńde Sergeı Starygınniń hokkeıshileri tórt ret jeńilip, odan keıin Danııa komandasyn 4:3, 4:0 esebimen utyp, «elıtada» qaldy.
