Hokkaıdodaǵy jer silkinisi: 32 adam iz-túzsiz joǵalǵan, onnan astamy qaza tapty
ASTANA. QazAqparat - Hokkaıdo aralyndaǵy kúshti jer silkinisiniń saldarynan bes adamnyń qaza tapqandyǵy anyqtaldy, altaýy klınıkalyq ólim jaǵdaıynda jatyr, dep habarlaıdy QazAqparat NHK telearnasyna silteme jasap.
Onyń málimetinshe, taǵy da 300 adam jaraqat alyp, 32 adam iz-túzsiz joǵalǵan. Olardyń qırandylar astynda qalyp qoıýy múmkin.
6,7 magnıtýdaly jer silkinisi Hokkaıdoda beısenbige qaraǵan túni saǵat 3.08-de (Máskeý ýaqytymen 21.08) bolǵan. Apat saldarynan kóptegen úıler men joldar qıraǵan.
Sondaı-aq, Sapporo áýejaıy jabylyp, barlyq áýe reısteri toqtatyldy. Ushaqtar 7 qyrkúıekte qaıta jumysyn jalǵastyrady dep josparlanyp otyr.
