Hokkaıdo jaǵalaýynda Japonııa men Reseı kemeleri soqtyǵysty
TOKIO. Kyodo-QazAqparat - Mombetsý qalasy balyq aýlaý qaýymdastyǵynyń kemesi Hokkaıdo aralynyń jaǵalaýynda reseılik kememen soqtyǵysty, dep habarlaıdy QazAqparat Kyodo agenttigine silteme jasap.
Oqys oqıǵa saldarynan japondyq keme aýdarylyp, úsh balyqshy qaza tapty.
NHK telearnasynyń málimetinshe, soqtyǵysqannan keıin barlyq bes japondyq balyqshy reseılik «Amýr» kemesiniń bortyna jetkizildi. «Amýrdyń» sý syıymdylyǵy 662 tonnany quraıdy. Japondyq kemeniń sý syıymdylyǵy bolsa – 9,7 tonna. Oqıǵa Ohot teńizinde, Hokkaıdo aralynyń jaǵalaýynan 23 shaqyrym jerde oryn alǵan.
