Hokıng aqyrzamannyń naqty qashan bolatynyn aıtty
ASTANA. QazAqparat - Brıtandyq ǵalym Stıven Hokıng aldaǵy myńjyldyqta aqyrzamannyń bolatyny jaıly boljam aıtty. Osyndaı málimdemeni Oksford stýdentteriniń pikirsaıys qoǵamynda sóılegen sózinde jasady, Lenta.ru The Daily Mail-ge silteme jasap jazady.
Ǵalymdardyń pikirinshe, Jer sharyndaǵy tirshilik jasandy oı-óristiń nemese genetıkalyq vırýsty jasaýdyń saldarynan, ıadrolyq soǵystyń kúshinen joıylady.
Hokıng, ádetinshe, adamdardy basqa ǵalamsharǵa qashýǵa shaqyryp, shalǵaı ǵaryshqa ushý úshin damyǵan tehnologııany jasaý qajettigin atap ótti. Ataqty fızık stýdentterdiń aldyndaǵy sóılegen sózinde tyńdaýshylarǵa aıaqtaryna qaramaı, bastaryn kóterip, aspandaǵy juldyzdardy tamashalaýǵa shaqyrdy.
Sondaı-aq, zertteýshi sońǵy 50 jylda ǵylymnyń alǵa jyljyp, adamzattyń búkil álemdi túsine bastaǵanyn tilge tıek etti. Hokıng osyndaı teorııalardy jasaýǵa qatysqany úshin qýanyshty ekenin jetkizdi. Sóz sońynda ǵalym «qandaı bolmasyn, Úlken jarylysty kózben kórý» úshin, jaqyn bolashaqta ǵalymdardyń gravıtatsııalyq tolqyndy qoldanatynyna úmittenetinin aıtty.
