HOK Tomas Bahtyń otstavkasyn qabyldady

ASTANA. KAZINFORM - Sheshim 2025 jyldyń 23 maýsymynan keıin kúshine enedi.

- 26 aqpanda Halyqaralyq Olımpıada komıtetiniń (HOK) atqarýshy keńesi Prezıdent Tomas Bahtyń uıymnyń múshesi qyzmetinen ketýin qabyldady, - delingen HOK málimdemesinde.

Osy aptada Tomas Bah 2025 jyldyń 23 maýsymynan keıin kúshine enetin otstavkaǵa ketýge ótinish berdi. Bul kúni HOK-tyń jańa Prezıdentine ókilettik beriledi, ol 2025 jyldyń 20 naýryzynda Gretsııanyń Kosta-Navarıno qalasynda tańdalady, dep túsindiredi Olımpıada komıteti.

2024 jyldyń tamyzynda Parıjdegi HOK sessııasynda Tomas Bah HOK músheleriniń shaqyrǵanyna qaramastan, jańa merzimge qaıta saılanbaıtynyn málimdedi.

- Otbasymmen keńinen aqyldasa kele, men óz ókilettigimdi merziminen tym asyrmaýym kerek degen qorytyndyǵa keldim, - dedi ol óziniń jas emestigin aıta kele.

Buǵan deıin Kazinform HOK basshysy laýazymyna saılanýy múmkin úmitkerler týraly jazǵan bolatyn.