HOK Tokıodaǵy jazǵy Olımpıada-2020 belgisiniń plagıat ekenine qatysty aıyptardy joqqa shyǵardy
ASTANA. QazAqparat - Halyqaralyq olımpıada komıtetiniń (HOK) vıtse-prezıdenti Djon Koýts Tokıoda 2020 jyly ótetin jazǵy Olımpıada oıyndary belgisi dızaınynyń plagıat ekendigine qatysty aıyptardy joqqa shyǵardy, dep jazady RIA «Novostı».
2020 jyly Tokıoda ótetin jazǵy Olımpıada jáne Paralımpıada oıyndarynyń belgilerin tanystyrýdyń resmı rásimi 24 shildede bolyp ótti. Tokıodaǵy aldaǵy Olımpıadanyń belgisi aq túske salynǵan qara, qyzyl, altyndatylǵan tústi qarapaıym geometrııalyq fıgýralardan oryndalyp, stılge keltirilgen «T» árpi boldy. Keıinnen 2020 jylǵy Oıyndardyń belgisi belgııalyq Lej teatrynyń logotıpine uqsas ekeni anyqtaldy, onyń avtory, dızaıner Olıve Dobı Tokıodaǵy Olımpıada belgisin qaıtaryp alýdy nemese ózgertýdi talap etpek ekenin habarlady.
«HOK men «Tokıo-2020» uıymdastyrý komıteti barlyq tirkelgen belgilerdi habarlandyrýǵa deıin tekserdi. Belgııadaǵy logotıptiń avtorlyq quqyqtary joq bolyp shyqty. Biz bárin zerttep, bul problema bolmaıtynyna senimdimiz», - dep keltiredi Koýtstyń sózderin insidethegames.biz. Buǵan deıin «Tokıo-2020» uıymdastyrý komıteti belgi dızaınynyń plagıat ekendigin joqqa shyǵarǵany týraly málimdeme jasaǵan.
