HOK Tokıo Olımpıadasynyń jarys kestesin bekitti

NUR-SULTAN. QazAqparat - Halyqaralyq Olımpıada komıteti koronavırýs indetine baılanysty 2021 jylǵa aýystyrylǵan Tokıo Olımpıadasynyń kestesi men jarys ótetin oryndardy bekitti. Bul týraly QazAqparat Ulttyq Olımpıada komıtetine silteme jasap habarlaıdy.

Jarys kestesi 2020 jylǵy nusqa negizinde bekitildi. Sondaı-aq, HOK sportshylar jatatyn oryn men basty baspasóz ortalyǵy jáne brodkasterlik ortalyqtyń ornalasý tártibin belgiledi.

Aıta ketelik, Tokıo Olımpıadasy jospar boıynsha 2021 jyldyń 23 shildesi men 8 tamyzy aralyǵynda ótedi. Naýryz aıynyń aıaǵynda HOK pen Tokıo oıyndaryn uıymdastyrý komıteti indetke baılanysty Olımpıadany 2021 jylǵa aýystyrǵan bolatyn.