HOK Tokıo olımpıadasynda saıası ısharalarǵa tyıym saldy
NUR-SULTAN. QazAqparat - Halyqaralyq olımpıada komıteti 2020 jylǵy Tokıo olımpıadasy kezinde saıası ısharattar jasaýǵa tyıym salynatynyn málimdedi, dep habarlaıdy QazAqparat Huffington Post basylymyna silteme jasap.
«Jahandyq deńgeıde beıtaraptylyq saqtaý kerek. Eshbir saıası, dinı nemese etnıkalyq belgilerge jol berilmeýi tıis» delingen komıtettiń habarlamasynda.
Komıtettiń habarlaýynsha, Olımpıadanyń ashylý jáne jabylý saltanattarynda, oıyn alańdarynda, marapattaý sharasynda jáne basqa da resmı jıyndarda qandaı da bir ısharattar kórsetýge tyıym salynady.
Komıtet sportshylar óziniń jeke pikirin bildirýge bolatyn oryndar arnaıy belgilenetinin jáne áleýmettik jelilerdi paıdalanýǵa bolatynyn málimdedi.
Aıta ketý kerek, Olımpıada tarıhynda sportshylardyń qandaı da bir saıası oqıǵalarǵa narazylyq bildirý jaǵdaıy birneshe ret bolǵan.
