HOK: Tokıo Olımpıadasyn aýystyrý birneshe mln dollar shyǵynǵa ushyratady

NUR- SULTAN. QazAqparat – Tokıo Olımpıadasy oıyndaryn 2021 jyly aýystyrý Halyqaralyq olımpıada komıtetin (HOK) birneshe mıllıon dollar shyǵynǵa ushyratýy múmkin. Bul týraly HOK prezıdenti Tomas Bah málim etti, dep habarlaıdy QazAqparat nemistiń Frankfurter Allgemeine Zeitung basylymyna silteme jasap.

Tokıodaǵy Olımpıada oıyny 2020 jyly 24 shildeden bastap 9 tamyz aralyǵynda ótýi tıis bolatyn. Biraq koronavırýs pandemııasy saldarynan bir jylǵa, ıaǵnı 2021 jylǵy 23 shilde - 8 tamyz aralyǵyna aýystyryldy.

«Aýystyrý qunyn áli de esepteý qajet. HOK birneshe júz mıllıon dollardy quraıtyn qosymsha shyǵyndarǵa ushyraıtyndyǵyn qazirdiń ózinde aq aıtýǵa bolady»,- dedi Bah.

HOK aýqymdy qarjy shyǵyndaryna ushyramaýy úshin Olımpıada-2020 aýystyrýǵa uzaq ýaqyt kelisim bermegen bolatyn. Eń aýyr shyǵynǵa batyp otyrǵan Japonııa, bul el búgingi kúni shamamen 12 mlrd dollardan astam qarjy jumsap úlgerdi.

Sarapshylardyń baǵalaýynsha, Oıyndardy keıinge shegerý jarnama berýshilerge de ońaı túspeı otyr, olar shamamen 1 mlrd dollardan aıyrylýy múmkin. Buǵan qosa ulttyq olımpıada komıtetteriniń jáne oıynǵa qatysatyn elderdiń áli eseptelmegen shyǵyndary da bar.