HOK Soltústik Koreıany Beıjińdegi Olımpıada oıyndarynan shettetti

NUR-SULTAN. QazAqparat - Halyqaralyq olımpıada komıteti (HOK) Koreı halyq demokratııalyq respýblıkasyn Ulttyq olımpıada komıtetin 2022 jyldyń sońyna deıin shetetti, dedi HOK basshysy Tomas Bah. Bul týraly QazAqparat Sports.kz-ke silteme jasap habarlaıdy.

KHDR 23 shildeden 8 tamyzǵa deıin ótken Tokıodaǵy Olımpıadaǵa qatysqan joq.

«Tek KHDR Oıyndarǵa qatyspady. Olar hartııany buzyp, óz mindetterin oryndamady. Biz KHDR-di 2022 jyldyń sońyna deıin shetettý jóninde sheshim qabyldadyq. HOK shettetý merzimin qaıta qaraý quqyǵyna ıe», - dedi Tomas Bah YouTube arqyly tikeleı efırden kórsetilgen baspasóz máslıhatynda.

«KHDR UOK shettetilý kezinde HOK baǵdarlamasyn júzege asyrýǵa nemese onyń qoldaýyna ıe bola almaıdy. Eger KHDR sportshylary Beıjińdegi Olımpıada oıyndaryna irikteýden ótken jaǵdaıda, HOK atqarý komıteti ýaqyt óte kele osy atletterge qatysty sáıkes sheshim qabyldaıdy», - dedi ol.

Beıjińdegi qysqy Olımpıada oıyndary 2022 jyldyń 4-20 aqpany aralyǵynda ótedi.

Eske salaıyq, Qytaıdaǵy qysqy Olımpıadaǵa Qazaqstan quramasy da qatysady.