HOK Prezıdenti bizdiń bolashaqtaǵy Olımpıada oıyndaryn qabyldaý áleýetimizge úlken baǵa berdi - QR Ulttyq olımpıada komıtetiniń vıtse-prezıdenti
ALMATY. 1 aqpan. QazAqparat /Erlik Erjanuly/ - Bizdiń Olımpıada oıyndaryn ótkizýge degen yntamyz óte joǵary. Halyqaralyq Olımpıada komıtetiniń prezıdenti Jak Roggeniń Almatyǵa kelýine oraı ótkizilgen ótkizilgn baspasóz máslıhatynda QR Ulttyq Olımpıada komıtetiniń vıtse-prezıdenti Pavel Novıkov osyndaı oı aıtty.
«Halyqaralyq Olımpıada komıteti basshysynyń ýaqytynyń qysqalyǵyna qaramastan, Qazaqstanǵa kelýi biz úshin mańyzdy úlken oqıǵa. Bizdiń bolashaqtaǵy Olımpıada oıyndaryn qabyldaý áleýetimizge úlken baǵa berýi zor qýanysh. Sondyqtan bizdiń Olımpıada ótkizýge degen yntamyz óte joǵary», - deıdi Pavel Novıkov.
QR Ulttyq Olımpıada komıtetiniń vıtse-prezıdenti bul týraly Halyqaralyq Olımpıada komıtetiniń Prezıdenti Jak Rogge myrzaǵa baıandaǵan. Alda áli de atqarylatyn jumystyń da kóp ekenin de tilge tıek etken kórinedi. Onyń aıtýynsha, osy bedeldi sport uıymynyń qoldaýymen Qazaqstannyń aldaǵy ýaqytta álemdik úlken-úlken sport dodalaryn ótkizýge múmkindigi bar. Osy baǵytta HOK-pen bolashaqta yntymaqtastyqta tabysty jumys isteýge úmitti bolyp otyr.
